اداد دان سالیب آغیزلاری دادلاری
شیرینلری آجیلارا قاتانلار
...
كول تؤكورلر یازیقلارین باشینا
گول یازیرلار ایندی یازی یازانلار
...
قوجا باغری چاتلاماسین نئیله‌سه‌ن
یامانلاشیب اژداهالار ایلانلار
...
رنگ دییشیب مین جیل‌ده دوشوبلر
قرآنی نیزه باشینا وورانلار
...
نمرودون فرعونون اوزون آغاردیب
الله نان ایندی جنگه چیخانلار
...
ورگان ووروب آخار سویون آغزینا
یول كسه‌نلر اوغرولار قان سالانلار
...
گولومسونور جینایته میللته
دوزو یئییب دوز قابی سیندیرانلار
...
آیدین قوجا
