قلبیمی درده سالان  درده گرفتار اولسون

اورییم گوزگوسونو سیندیرانی خوار اولسون

باغریمی یاندیرانین باغری یانیب اود توتسون

گونو باتسین شعمی سؤنسون  اوجاقی تار اولسون

منه چوخ جور و جفا ائتدی زامان‌دیر شاهید

ائله جاببارا زامان ظالم و جاببار اولسون

جامی سیندیر دی می یی میخانانی یاندیردی

آرزومون اولدوزو سؤندو اونو بیمار اولسون

دوز یئییب دوز قابینی سیندیران اینسان گرک

ناکسه موحتاج اولوب سائل بازار اولسون

اؤلکه‌مین دام دیریین‌دن منی سورگون سالدی

کاش او دا هر ندن آوارا و بیزار اولسون

قارغیش ائتمک‌ده یورولماز دیلیمله  دوداغیم

آی اونو قارغیشیم آلتیندا گرفتار اولسون

من قوجالدیم اودا یاندیم او دا یانسین کشگه

منه چوخ تنگیدی دنیا اونا دا دار اولسون

آیدین قوجا

Qəlbimi dərdə salan dərdə giriftar olsun

Urəyım güzgüsünü sındıranı xar olsun

bağrımı yandıranın bağrı yanıb ud tütsün

günü batsın şəəmiy sönsün ocağı tar olsun

mənə çox cor u cəfa etədi zamandır şahıd

elə cabbara zaman zalim u cabbar olsun

camı sındır dı meyi meyxananı yandırdı

arzumun ulduzu söndü onu bımar olsun

duz yeyıb duz qabını sındıran insan gərk

nakəsə muhtac olub saili bazar olsun

ölkəmin dam dırəyındən məni surgün saldı

kaş o da hər nədən avara u bızar olsun

qarğış etəməkdə yorulmaz dılımlə dudağım

ay onu qarğışım altında giriftar olsun

mən qucaldım oda yandım o da yansın keşgə

mənə çux təngidi dünya ona da dar olsun

aydın qoca