اَلیمی گوللره چکدیم سنی احساس ائلدیم
قولاق آسدیم یئله آوازینی احساس ائلدیم
آنا جان دردین آلیم جان سنه قوربان جانیم
آنا جان آغرین آلیم جانینه قوربان جانیم
گؤزومون نورو حیاتیم شمعی جانیم دایاغیم
گؤروره‌م سن‌سیز ائوی هئچ یئره گئتمیر آیاغیم
هم آنایدین هم آتا هم‌ده باجی هم قارداش
هم معلم همی عالیم همی جانان یولداش
سن بیلیردین دؤزوموم یوخ‌دور منیم قاچدین آنا
اؤلومو گؤردون او مئهرینله قوجاق آچدین آنا
یاندیم ائی واقتی ائشیدیم کی گئدیرسن سفره
ندن آخار چالیشیردین تلسیردین سفره
سن سئویندین گئده‌سه‌ن بس نیه من یاندیم آنا
سن گئدن‌دن سورا گؤردوم گئنه تک قالدیم آنا
چوخ اوشاق گؤرموشدوم کی آناسی گئتمیشی‌دیر
آغلاییردی اودا من تک ائله بیل ایتکینی‌دیر
قیساجا سؤزلرینی قلبیمه هکک ائیلمیش‌سه‌ن
کیم دانیشدیقجا دوشورسه‌ن یادا گؤر ن ائیلمیش‌سه‌ن
نیه گئتدین منی قویدون گؤزوم آغلار قال‌سین
بالام آغلار باجیم و قارداشیم آغلار قال‌سین
کاش اولای‌دی قاراگون سن‌ده قالیردین من‌دن
کاش گؤریدیم سنی هرده‌م دانیشایدین من‌دن
آنا دئییلر کی آیاق آلت‌دا بئهیشتین واردیر
توت اَلیم‌دن آنا بیلیرم منه عشقین واردیر
əlimi güllərə çəkdim səni ehsas elədim
qulaq asdım yelə avazını ehsas elədim
ana can dərdin alım can sənə qurban canım
ana can ağrın alım caninə qurban canım
gözümün nuru həyatım şamı canım dayağım
görürəm sənsiz evi heç yerə getmir ayağım
həm anaydın həm ata həmdə bacı həm qardaş
həm müəllim həmi alim həmi canan yoldaş
sən bilirdin dözümüm yoxdur mənim qaçdın ana
ölümü gördün o mehrinlə qucaq açdın ana
yandım ey vaxtı eşidim ki gedirsən səfərə
nədən axar çalışırdın tələsirdin səfərə
sən sevindin gedəsən bəs niyə mən yandım ana
sən gedəndən sora gördüm genə tək qaldım ana
çox uşaq görmüşdüm ki anası getmişidir
ağlayırdı oda mən tək elə bil itkinidir
qısaca sözlərini qəlbimə həkk eyləmişsən
kim danışdıqca düşürsən yada gör n eyləmişsən
niyə getdin məni qoydun gözüm ağlar qalsın
balam ağlar bacım o qardaşım ağlar qalsın
kaş olaydı qaragün səndə qalırdın məndən
kaş görəydim səni hərdəm danışaydın məndən
ana deyilər ki ayaq altda behiştin vardır
tüt əlimdən ana bilirəm mənə eşqin vardır
