اورییم گوزگوسونو سیندیرانی خوار اولسون

باغریمی یاندیرانین باغری یانیب اود توتسون

گونو باتسین شعمی سؤنسون  اوجاقی تار اولسون

منه چوخ جور و جفا ائتدی زامان‌دیر شاهید

ائله جاببارا زامان ظالم و جاببار اولسون

جامی سیندیر دی می یی میخانانی یاندیردی

آرزومون اولدوزو سؤندو اونو بیمار اولسون

دوز یئییب دوز قابینی سیندیران اینسان گرک

ناکسه موحتاج اولوب سائل بازار اولسون

اؤلکه‌مین دام دیریین‌دن منی سورگون سالدی

کاش او دا هر ندن آوارا و بیزار اولسون

قارغیش ائتمک‌ده یورولماز دیلیمله  دوداغیم

آی اونو قارغیشیم آلتیندا گرفتار اولسون

من قوجالدیم اودا یاندیم او دا یانسین کشگه

منه چوخ تنگیدی دنیا اونا دا دار اولسون

آیدین قوجا

یاغدیر بولود كیمی  شعری  غزه‌لی

یاشا اوغور اسین شهرین كؤزرسین

یازدیقلارین  یاددا     قالسین  ازه‌لی 

 
مینیب سؤزلر قانادینا  اوچا  اوچا  گئدیر  قوجا

دونیا وار كن گوج   اولاركن  آغاآغا گئدیر  قوجا

 
آغلار بولود گؤزلر یاشی  یاغا یاغا  گئدیر  قوجا

دولو بولود ایلدیریملار شاخا شاخا  گئدیر  قوجا

بولاقلاردان  آخار  سو تك  آخا آخا  گئدیر  قوجا

چایلار بویو یول اوزری جوشا جوشا گئدیر  قوجا

 
دنیز دئیه اولار  سولار  داشا داشا  گئدیر  قوجا

ییخیب سؤكوب دیوارلاری قازا قازا  گئدیر  قوجا

ایگیدلین   داستانینی    یازا یازا   گئدیر   قوجا 

               یالقیز آغاج عشقیله

 گؤزؤمده گونلومده هرآن اوجالان 

آز الیمین آنا وطن داغیسان

گلینلیک دونونو چخارمامیسان

یازئب   پوزما   سنله   منیم    آرامی         

یازان  یازدی  منی    مندن     آیئردی        

سن   اللََمه   باری   منیم       یارامی             

تیكانلی مفتیل لر سرحد  یارادماز        

قارداش قارداشی  باجینی   آتماز             

گونول  قوشو  قانادلانیب   اوچاندا              

اوجا  دیوار  بویو  بویونا      چاتماز        

.    

ائورک ایچره   یازما     پوزولمئییر                 

یازی  اوسته  داهی  یازیلمئییر              

سؤزیله     سازیلا       مددادیله               

جئزئرام  نه قد ری   جئزئلمئییر